我的收藏之路 (一)

我的收藏之路 (一)

文章日期：08/12/2012 02:57 pm

話說我的工作其實與礦物有關, 不過一開始的時候我對礦物認知是BB班。為何這樣說? 因為我工作的公司銷售珠寶的, 一返工就有人同我介紹鑽石是最堅硬的寶石, 如何如何珍貴.....我接觸的礦物 (正確來說是寶石) 只限鑽石, 紅藍綠寶, 珍珠這些貴價奢侈品。不過我都係因為喜歡看這些東東而選擇了這一行, 女人麻 

直至到2007年, 我決定要取得英國寶石學院寶石鑑定師(FGA)資格, 一為工作二為興趣, 結果開始了我與石頭礦物的因緣。

一開始接觸FGA基本課程, 邊有咁多礦物睇, 不過就有一個好重要既部份-- 寶石原石。睇左幾年寶石都係已經車好, 鑲好哂, 見到佢地個"真身", 又陌生又覺得好特別, 仲好喜歡佢地"冇化粧" 個樣添!

由於我有濃厚興趣, 老師又教得好(葉sir 看啊!), 所以foundation 一次就PASS ! 之後挑戰Diploma (註: 要成為FGA 要考2次試, 分別是 Foundation基礎試 同Diploma文憑試。) 點解話係"挑戰"? 讀過既朋友就會好明白, 如果Foundation 難度分係1, Diploma 難度分係10! 首先Diploma 考試內容當然會包埋 Foundation 學過既野, 仲要加多好多"深層次" 理論同實習, 要認識的寶石種類又多(超過100種), 對於只接觸過幾種寶石既我, 開始時真係"一頭霧水"。好彩我中學有讀過chemistry, 對呢科又有興趣, 所以啲野冇俾番阿Sir, 對學習非常有幫助。

自問我都幾有讀書運, 因為讀書最緊要係有良師。Diploma 資料又多又複雜, 教好Diploma 真係唔容易。我有幸遇到一個表達能力非常好的老師, 因而省卻好多時間, 而且佢都好鍾意石頭, 我們都是石頭粉絲。(吳博士, 看啊!) 另外仲有幾個好同學, 在佢地既誘導下到不同的地方買石頭看石頭.....

因為有良師益友, Diploma 考試都係一次 PASS, 而且Practical考試更有幸取得2010年世界第一! (註: Diploma 考試分2部份, Theory理論 同 Practical 實習, 分2日考試)
http://www.hkgems.com.hk/b5/newsdetail.php?key=200917151846

在此感謝HKIG 香港珠寶學院院長歐陽秋眉, 吳飛洋博士, practical 老師 Wendy Ng